رئيس مجلس الإدارةنادية أمين
رئيس التحريرجودة لطفي
الجمعة 07 مايو 2021 م 12:57 صـ 24 رمضان 1442 هـ
الرئيسية | مواهب النايل

متقربوش ع الجرح

2021-01-08 19:20:46

بقلم الشاعرة / نور الهدى على

متابعة / سامح الخطيب

متقربوش ع الجرح

بالراحه وأنتو بتقطعوا فيا

كل اللى باقى منى هي جروح

ممنوعه حتي تبوح

لملم خيوط لعبتك

وأمسك زمام الدور

يا عمر يا مغرور

رخرخ حبال الموت

واسمع دبيب همسي

تلقى لسكوتى صوت

كان ناقصه يفهم انها دنيا

وان اللى مسكوا ف طرفها بالقوى

زاغت عيونهم ع اللي كان ليا

أنا كنت وحدي ف حلمي فجأه صحيت

لميت ضفاير همى.وأستنيت

ألمح ف حضن عنيكي ضحكه مهيش ليا

وانتى اللي عارفه أنها

ضاقت أوى بيا

ف بلاها حدوتة زمان.

بين كنا يعني وكان وكان..

وخطوتين والتوته ملتوته

حكايه بايخة قوى.

بطلتها سفروته

مش عارفه يوم انها

راح تطفح الكوته.

تصرخ بعلو الصوت وتقول ف حدوتة

كل البنات قاسية. وانا طبعى حنيه

يا ليل يا ماسك فالدموع. اعزمها على فرحة

هات من دولابك توب

واغزل لها الطرحه

وافرد ستار الوجع

أحكى على اللى شبع

وحكاوى مغزوله على مفرش السفرة

انا نيتى مؤمنه...وف عرفهم كافره

ياهل ترى بكرة راح يجى على غفله

ونشوف دموع الفرح فى آخر الرحلة

ولا النهايه الوجع والفرح مش ليا

 

 

0
مواهب النايل
62638
جميع الحقوق محفوظة © 2021 - شبكة النايل الاخبارية