قصيدة فى محبة الرسول صلى الله عليه وسلم

قصيدة فى محبة الرسول صلى الله عليه وسلم
2020-10-25 18:21:30

قصيدة محبة
د.سها شاكر 

فى مدح الرسول 
راح أقول
لكن كلامى ضن
والقلب لما يحن
أروح لبيته هناك
ودموعى تتكلم 
والقلب بيسلم
حتى الألم يومها 
مبقاش بيتألم
ويصورلى إحساسى 
إن النبى سامع
وأشوفه بيقولى
والوجه متبسم
إن الفرج بابه
صلاة عليه وسلام
وأفوق من الأحلام
ألقانى بتبسم
ما الحلم متقسم 
أشوف فيه النبى
صلاه وسلام عليك
ياللى فى موتك 
حى فى قلوبنا
وبدينك
الله بقى يعينك
على أمتك ديه
نسيوا أن أنته
تاج راسهم 
وإن الدنيا مش 
باقيه
ومسرها هتدوسهم
وإن الأمل باقى
فى القرآن وفى السنة
واللى هيتمسك بيهم
تشفعله بالجنة
وبشربه من إيدك
ده كل ما أتمنى
على حوض حبيبى 
النبى 
اجمعنا فى الجنة

أُضيفت في: 25 أكتوبر (تشرين الأول) 2020 الموافق 8 ربيع أول 1442
منذ: 3 شهور, 9 ساعات, 39 دقائق, 26 ثانية
0
الرابط الدائم

التعليقات

61071