نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

سجن مؤبد بقلم ميرفت شوقي

سجن مؤبد بقلم ميرفت شوقي
2020-10-19 20:06:51
كل ما تيجى تقرب مِنّى ح ابعد أكتر ودا مكتوب لى نصيب ومقدر خايفة عليك او يمكن منك بس يا ريتك يوم تفهمي حاول تبعد اكتر مِنّى ما انا ماقدرش أبوح و أفسر عارفه في بعدك إنى انا هاخسر لو ح تقرب راح تتحير م الألغاز اللى هتتكرر يمكن حتى كمان تتغير بس براحتك لو هـ تعافر علشان توصل وهـ تتحمل مهما هـ يحصل أنا راح أقدَّر كيف كان حالك واكسر كل قيودى وأقرب اصل الدنيا سلام ومخاطره وانا عنديه نفسى أجرب واعلن ثورة في ميادين قلبك رافعه شعارها سلم نفسك واحضر حالاً مطلوب فوراً جوه في قلبي بس إشاره سهم عينيك ترمى عتابها بشوق وحنين تجبر قلبى يروق ويلين فاصدر حكم مناسب ليك وأوعاك تهرب من اللي عليك التأخير هيكون له غرامة تقل وعند وخوف وملامة لكن لو هـ تطيع لأوامرى واضمن إنك تفضل جنبي وتطمِنِّى تقول لى آميين هيكون حكم غيابى مخفف سجن مؤبد في الشرايينى
أُضيفت في: 19 أكتوبر (تشرين الأول) 2020 الموافق 2 ربيع أول 1442
منذ: 1 شهر, 7 أيام, 3 ساعات, 19 دقائق, 8 ثانية
0
الرابط الدائم

التعليقات

61045