نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

سوق على مهلك

سوق على مهلك
2020-06-26 22:53:35

بقلم الشاعرة / نادية فتيحة
.
سوق على مهلك
فيه قدامك بنى آدمين
وسّع لما تشوف إسعاف
مانتش عارف جواه مين
و بلاش ترمى حاجات ف الشارع
اتصرف زى الراقيين
يعنى بلاش تشتم وتزعق
فى الماشيين أو فى السايقين
**
سوق على مهلك
حط إشارة
فى الدوران لشمال ويمين
وأما تلاقى مُسن ، استنى
زى ماوصى عليه الدين
لو مدرسة .. لازم تتأنى
لما يعدوا بنات و بنين
اركن لو هترد مكالمة
لحظة بتقلب فى الموازين
**
سوق على مهلك جوة الزحمة
فوق الكوبرى
فى الميادين
اكشف دايما على سيارتك
علشان توفير البنزين
واوعاك تخطف عكس السير
أو تستهتر بالتأمين
إذا عديت من أى مكان
مافيهوش كاميرا ، و لا كمين
راعى ضميرك خليه صاحى
ربك شايفك فى الحالتين

 

أُضيفت في: 26 يونيو (حزيران) 2020 الموافق 5 ذو القعدة 1441
منذ: 5 أيام, 12 ساعات, 5 دقائق, 9 ثانية
0
الرابط الدائم

التعليقات

59026