نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

وهترجع الصلاة -

وهترجع الصلاة -
2020-06-25 12:45:09


بقلم/الحسين عبد العزيز سليم 

وهترجع الصلاة ف مساجدها
وياريت الناس تكون عرفت قيمتها
وتبقى تأديها بفروضها وسنتها
لو صف واحد في كل صلاة
اتقى ربنا ماكانتشي الدنيا
اتصابت وزادت بلوتها

الأهم من الصلاة هو إأقامتها
ولو ما ناهتشي عن الفاحشة يبقا إيه فايدتها
بتصلي وتجري ع الربا
ومضيع للصلاة هيبتها
وتجور على الجار يا خيبتها
وتاكل حرام وعامله سنتها
وحقوق ربنا جاير عليها
وسرحان ف الحرام في عز تأديتها
لا أحسنت الطهارة ولا الوضوء
ولا اتعاملت مع اللي جنبك بذوق
ولا وطيت صوتك وخلصت بهدؤ
وإوعى تغتر بيها وعلى غيرك تتمنظر
الصلاة لله وروح مش بس منظر
دي صلة بينك وبين ربنا وإطهر
واقف صاحي وفايق وبالمسك اتعطر

خلي مكانك يبكي عليك بعد ما تصلي
وعلى سنة الرسول امشي وسمي وصلي
هتلاقي القلب انتعش وارتاح بعد ما تصلي
واتغسلت ذنوبك وفرح بيك توبك
والدنيا يا دوبك بالخير وراك يصلي

والملايكة تستغفر لك لحد

ما ترجع تاني وتصلي

 

أُضيفت في: 25 يونيو (حزيران) 2020 الموافق 4 ذو القعدة 1441
منذ: 6 أيام, 22 ساعات, 33 دقائق, 4 ثانية
0
الرابط الدائم

التعليقات

58929