نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

متبطليش تغنى ..

متبطليش تغنى ..
2020-04-05 15:24:22

 

                      "   متبطليش تغنى    "            شعر /محمود فتحي
____________________________

ولسه الكلام َمثال للتسالي
ولسه الغنا  ابو بال خالي 
وحتي الاماني محاوله ف ليلي  
وحلمك وحلمي حصانك حصاني
بيرمح في عشقي،
وقلبي اللي عشقك 
ووجع   المعاني
لساني بضحك
ضحكي الملالي  
   ألمك   و دمعك 
قلبك بيحمل وجع الليالي 
حلمك  وقمرك. 
ضيه جفاني 
دوب الغروب
 في قلبي  دوب 
وجع القلوب
 حساني؟ 
لساكي عشقاني   
وألضم  خيوط العشق جرحك 
 وادخل انا من جوه   فكرك
لسايا فكرك
واشوف ملامحك لسه حزينه
رسومات  ف وشك
رحله  لسفر ي  من جوه سفرك
جواز  عبوري مشاوير ف قلبك
قلب الاماكن مساكن
تتبني حلمك 
تقرأ كتابي 
كلام ليالي  كله  حبابي 
 وهقدر اغني 
وانقش  في كفي خيط التمني  
لسه   هواكي ذي مغني 
  يطول عياط البحر ذي
 برضو   اغني
وارسم وشوش الفرح
رسمك تملي   
وهفضل اغني
غنا الصبايا  
وادخل بحلمي من جوه عشقك
لكني   خايف
يوجعني  حزنك
يقهرني دمعك
يلبسني ذي الجن جرحك
والقي نفسي
ومن جوه نفسك
وارجع واناقشك  
واغرب في ضحكك
وارجع احسك
يحبسني عشقك
يوحشني ضحكك 
اضحك
 يتنحت  ضحكي  في وشك
 يترسم عشقي ملامحك  
ما اصلي شبهك 
  و تراب شوارعي ماسكه ف رجلك 
لساكي ذي 
قادره تغني 
لان قلبك لسه حضني
لساكي  فيا
وجع  العشيه
متسكتيش لاغنيه 
متبطليش تغني 
خليكي ذي
غني
متبطليش تغني

أُضيفت في: 5 أبريل (نيسان) 2020 الموافق 11 شعبان 1441
منذ: 1 شهر, 25 أيام, 10 ساعات, 34 دقائق, 29 ثانية
0
الرابط الدائم

التعليقات

56106