روح مقسومة

روح مقسومة
2020-01-15 05:03:59

بقلم الشاعرة / الشيماء عفيفى
متابعة / سامح الخطيب

(( روح مقسومه ))
رجع الزمن يضحك على شفايفى ..
اناليه ضحكى موصول من صوتك؟
مشتاق يابعيد وسارق لي قلبى .. امتى تعود تسعدنى بوجودك ؟
ليه راسمه ملامحى حلاك ؟
ليه سارحه بفكرى معاك ؟
ليه الوقت مش نساي وبيقسى ؟
ليه مقدرتش غربتنا انها تنسى ؟
احساسنا مش خيالات ولاحاله وتعدى ..
أحساسى بيك كاالموج لابيهدى ويهدى ..
حبك ربيع مكنون فى عيون جمال الكون ..
وساعات كمان بيكون طعنه بسيف مسنون ..
ساعات بطير وياك فى سمايا فنهارى ..
ولما يجى الليل تكسرنى افكارى ..
الليل قوى وجبار وكلمته واحده ..
بترجى فى عيونه فيبصلى بحده ..
القلب حاله يجن ..
ساعات يبات حزنان ..
وساعات يبان نسيان ..
وسعات ضعيف بهتان ..
يابعيد وروحك هنا كتر قوى خيرك  ..
وسط زحام البشر مافيش عيون غيرك ..
تملى عيونى فى يوم ياهاجرنى انا طيرك ..
روح واحده وأتقسمت مابينى ومابينك ..
أيمين علينا الحد كأن دينى غير دينك ..
انا شكلى من شكلك ..
وروحى من روحك ..
مخلوقه من ضلعك ..
فهماك بدون بوحك ..
ولوجابو ألف دليل ..
ان طينى غير طينك ..
راح اسيبلهم الطين وبروحى راح أجيلك ..
مؤمنه انا بيك من يوم ماشوفت عنيك ..
مضيت وعهدتك وحياتى ملك أديك ..
لابشوف حبيب غيرك ..
ولايرضى قلبى سواك ..
سرى انا فى بيرك ..
والفرقه رافضه عزاك  ..
ظمأن بنظره حب تروينى بعد غياب ..
أحلف بأيه لوعدت لضمك بلا اى عتاب ..
مشتاق لعطر الروح ادوب معاه وأروح ..
وأسكر فى وقت اللقا فى صمت وبدون بوح ..
وأخد منك حاجات مستنياها تعود ..
واديك جمال لهفتى من غير حساب وحدود ..
ترجعلى نظره عين تحينى وتموت ..
أغفى بأنفاسك ..
تحاكينى بسكوتك ..
تحضنى وتطبطب ..
وتقسى فأتقل أنا ..
ترجع وتتحايل ..
فاحن تانى إليك ..
أمشى وأنا وياك وايدى ماسكه ايدك ..
خطوينا تتوحد والفرحه ماليه عنيك ..
وأكون معاك ملكه فى كون واسع وفسيح..
كل البشر دخان ..
كل الحاجات تفاريح ..
وإن واحده عدت قدامك ..
أرجع وأغير بجنان ..
على قلبك الطيب ..
وأخاف عليك بحنان  ..
تسعدنى وأنا جمبك ..
وأفارق الدنيا وأنا أيدى حضنه أديك ..
شبعان قوى منك غرقان فى حضن عنيك ..
حاسس حنين لهفتك دفيان من روحك ..
هرتاح أنا وقتها وأسبلك الاحزان ..
هسيب معاك خيال انسان ..
عاش بس عشان ..
يخلص لقلبك هنا وانت بعيد وناسيه ..
حلف لترجع هنا تانى لحضن عنيه ..
ولما جيته فى يوم فارقك بلا انزار ..
ورثلك الأحزان وأخد خلاص بالثار..
ولو سألوك قولهم .. 
دى نهايه محتومه ..
دين لازم يترد ..
من روح مقسومه ..
بينى وبينها حاجات ..
ماتتوصفش كلام ..
خبتها فى عيونى ..
وقبلتها فى احلام ..
ودعتها يوميها وقلبى كان تذكار ..
حفظت عليه وصبرها كان صبر قد بحار..
عودت لها لقتها قد الامانه اكيد ..
فهدتنى على قلبى قلب بلا تجاعيد ..
قلب بحب نظيف ..
جميل بريئ وضعيف ..
وببسمه مرسومه وبحب وبأخلاص..
بصيتلى وقالتلى دى النهايه خلاص ..
وصتنى وقالتلى حفظت على قلبك ..
اياك فى يوم ده يهون

أُضيفت في: 15 يناير (كانون الثاني) 2020 الموافق 19 جمادى أول 1441
منذ: 8 شهور, 9 أيام, 1 ساعة, 40 دقائق, 21 ثانية
0
الرابط الدائم

التعليقات

53452