نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

أغاني وفرساني

أغاني وفرساني
2019-10-10 10:28:52

الكاتبة /رجاء حسين

متابعة/ سامح الخطيب

 

من أكبر عيوبنا أننا لا نفكر كثيرا ولا نحب أن نتعب أنفسنا في التفكير تعودنا أن

نفعل أمورا ونردد كلاما بلا وعي ولو توقفنا لحظات لنعمل تلك الالة التي منحنا الله

اياها الكائنة في رؤوسنا والتي ميزنا الله بها عن سائر المخلوقات سنرى عجبا.

بعض الأغاني نردد كلماتها ونحن سعداء دون النظر لما وراء تلك الكلمات.مثلا

أغنية خلاص مسافر للست شادية.

كلنا بنحب الاغنية دي صح؟وبنردد كلماتها واحنا مبسوطين صح؟طيب نهدى كده ونشوف بتقول ايه ..مثلا بتقول انها حتولع شمعة وتستناه لما يرجع ..ليه كده ياحبيبتي .؟ماتبقي تولعي النور وخلاص هو عذاب والسلام؟

وانها حتشيل الهم كله عنه ليه كده طيب قولي اشاركه الهم

هو انت سوبر مان يعني ولا ايه ماعلينا نيجي للأدهى من كده بقى..

خايفة تلاقي وردة تحلو في عينيك تنساني وتميل تقطفها بايديك تجرحك الاشواك وتتعذب هناك..ايموشن بيبحلق كده

يعني هي مش فارق معاها انه يلاقي وردة غيرها تعجبه ويقطفها..ماشاء الله لا لا هي كل خوفها انه ينجرح من الاشواك فتقدم له لفرط طيبة قلبها الحل على طبق من ذهب

وتقول ..اقطفها بايدي وماتجرحش ايديك سيب الجرح لي وخلي الفرح لك..ايه ده هه ايه ده بجد؟

وبعدين مايمسك الوردة ويخلي باله من الشوك يعني هو صغير ولا صغير؟

وبعدين ايه بقى تمر الايام ونكتشف ان الحكاية كلها كانت خطة جهنمية من كوكب الرجال يمثله مؤلف الكلمات وساعدته الست شاديه بطيبة قلبها بدل ماتقول له عيب كده

الاغنية دعوة صريحة لالغاء وجودها كإنسانة لها مشاعرها ومن حقها هي كمان تفرح زيه بالظبط دعوة واضحة لترسيخ مبدأ الانانيه في أبشع صورة أنانية ترقى بالطرف الاخر لمرتبة العبط الانساني العابر للقارات.

والمشكلة اننا بنرددها واحنا مبسوطين قوي قوي.ايه الخيبة

اللي احنا فيها دي هه حد يقول لي ايه الخيبة دي؟

أُضيفت في: 10 أكتوبر (تشرين الأول) 2019 الموافق 10 صفر 1441
منذ: 5 أيام, 22 ساعات, 17 دقائق, 16 ثانية
0
الرابط الدائم

التعليقات

50116