نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

بيتفنن معايا الخوف

بيتفنن معايا الخوف
2019-05-19 23:35:50

بقلم الكاتبه والشاعره / سميرة محمودي
 

 

بيتفنن معايا الخوف
وشاطر حرفي ف خداعي
وقلب الشعر بقا ضيق
وما تحملش أوجاعى
وإيه الداعى
اروح من تاني واتحايل
وارص القافيه والأوزان
واساوي الكلمه بالكلمه
وانطقها وازينها ف توب إنسان
وافجر ثورة الكتمان مع بوحى
ازيد الشرخ ف جروحى
ومن روحي انا الزهقان
وكان الشعر بيت دافى
حيطانه من الدهب صافى
وعرشه الحب والإحساس
وشد عيوني وفتني
كلامه الحلو ف البدايات
وكان غاوي يجنني
وبيني وبينه كام قصه
وضحكه بريئخ جوانا
بتتكلم معانا ساعات
ولون الشعر كان كحلى
وقلبه تملى مفتوحلي
بيفتح لي الطريق مسافات
افضفض باللي جوايا
وأحكيله
ساعات أبكى
ساعات افرح واغنيله
ولما الدنيا تطردني بأحزانها
اسيب الدنيا واجيله
وكان العشق والمعشوق
وكان صبري في ليل الشوق
ودمعه ويا تنهيده
اخط بإيدي في قصيده وخلاص ارتاح
زمان الشعر كان مرسى
علي شطه انا بارسى
ومهما البحر كان عالي
عيونه للهوي حارسه
وبانسى ف قربه ايامي
صديق عمري إللي حبيته
يشيل همي واحلامي
خلاص مابقيتش انا احلم
ولا ف الشعر باتعشم
لانه خلاص بعد عني
صبح من ضمن أوهامى
فبرسم ف الخيال صوره
جميلة بنفس مكسوره
دموع عينها بتفضحها
وكامت بالشعر مستوره

 
 
 
أُضيفت في: 19 مايو (أيار) 2019 الموافق 14 رمضان 1440
منذ: 3 شهور, 26 أيام, 17 ساعات, 13 دقائق, 30 ثانية
0
الرابط الدائم

التعليقات

42769