نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

حلق حماتى

حلق حماتى
صورة ارشيفية
2019-01-11 10:45:11

بقلم: مايسة إمام .

زمان أول حياتى ...
أم الغالى ف حياتى 
قالت هاتى ودنك ....
فى حلقة ليكى هاتى 
لماالبذرة تمد ...
هِمّى وهاتى الولد 
ينقام عودك بيه ..
والفرع يصير وتد
فى شبابك هتلاقيه ...
ضحكة ترد الروح 
وف شيبك تستخبى ف.. 
ضِلًه منين مايروح 
وفرحت ياأم الغالى ...
يوم ماالبدر هلّ 
وقلت خلاص ياعااالم ..
. أنا عمرى ماهتذل 
وِرِنّى يا ضحكتى....
وَيّا دقة الهون 
حلقاتك بِرْجَلاتك 
عمرك ف يوم ماتهون 
وِعَدّى ياعُمْرواجرى ...
وأنااللى بقيت بهون 
مقولتليش ياغالية 
ياأم الصدر الحنون 
إن العود هيشتد عليا ويتمتد
وميله يصبح جنون

مقلتليش ليييييه ؟؟
على كل اللى تعرفيه ؟
وَلّا بَيِنِّك ما شفتى
مِيلُه ولا تعرفيه !!
ولا تكونى عرفت !!
وداشغل الحموات ...
اللى بيقوله عليه !!
تعبت ياأم الغالى 
والعود هدنى 
شادد حيله عليا
مش قوه تمدنى 
حتى فروعه عفية 
عَمّالة تشدنى 
شويه تميل يمين
وشوية تميل شمال 
وفوق دماغى تحط
زى النسانيس بتنط 
وأن ضهرى بينحنى 
لساك ياأم الغالى
فاكرة الولد سند ؟
والله صدقينى بقى
حمل وبيهد 

أُضيفت في: 11 يناير (كانون الثاني) 2019 الموافق 4 جمادى أول 1440
منذ: 2 شهور, 7 أيام, 11 ساعات, 33 دقائق, 33 ثانية
0
الرابط الدائم
كلمات مفتاحية مقال الثقة أسطورة

التعليقات

35411