نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

حرق المجمع العلمى 

حرق المجمع العلمى 
2019-01-10 19:17:16

كتب ابوشاهين شاهين _شبكة النايل الاخباريه 
المخربيين أتهموا المجلس العسكرى بحرقه و لما ظهرت الفيديوهات واعتراف دومه قالوا أن المجلس ساب المجمع يولع و مطفاش حاجة و بعدها كان الافيه الجميل اللى كنا بنسمعه من المخربيين . ( حياة الانسان أهم ولا شوية حجارة وورق !!؟؟ ) فى مقولة بتدى الحق لأى أنسان انه يخرب زى ما هو عاوز
طب سؤال ليه يا عم الثورجى ؟؟
لو انت معترض على سياسات حكومة او مجلس عسكرى .. ايه علاقه حرق ورق وكتب باعتراضك ده ؟؟ ولا ليك غرض تانى لحرق المجمع العلمى .. 
مفيش أى حاجة اتعملت من أول ٢٥يناير لحد تولى مرسى الحكم بالصدفة .. 
الشباب اللى كان بيخرب ويولع مكنشى له مطالب مشروعة وحتى لو أتنفذت مطالبه من الحكومه وقتها برده كان عاوز تفضل حالة التخريب و الفوضى موجودة .. 
و مازلوا مصميين لحد الان بكده .. علشان كده بيعتبروا أن استقرار مصر حاليا انه خراب بالنسبة لهم .. 
عاوزك تفكر أن احمد دومه قال مفيش ثورة سلمية فى العالم ولو سلمية تبقى مش ثورة .. وقتها أستغرب هتاف و ادعاء عبده يناير بالرغم أن انا مع ثورة ٢٥ يناير لكن كلامى عن الشخصيات اللى اتخذت من يناير أله تعبدها .. 
أستغرب انهم بيدعوا أن يناير سلمية و كلنا فاكرين هتاف سلمية سلمية .. 
علشان كده بيعتبروا أن ثورة ٣٠ يونيو أنها ليست ثورة مادام مكتشى فيها دماء وتخريب .. 
لو حسيت أن احمد دومة مظلوم .. هو بنفسه اللى اعترف على نفسه وقتها فى البرامج باللى عمله من تخريب ومحاولة خطف ظباط جيش وشرطة لتبادلهم بالمقبوض عليهم وقتها . كان عايش دور حرب الاستزاف و تبادل الاسرى وقتها ...
اللى كسر حاجة يدفع تمنها

أُضيفت في: 10 يناير (كانون الثاني) 2019 الموافق 3 جمادى أول 1440
منذ: 5 شهور, 6 أيام, 1 ساعة, 27 دقائق, 17 ثانية
0
الرابط الدائم

التعليقات

35398