نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

الزعيم و الملكه .. كنوز مصريه !

الزعيم و الملكه ..  كنوز مصريه !
صورة ارشيفية
2018-05-22 15:00:36

بقلم: هاله الدمراوي

أنا اللي بتفرج علي عادل_إمام و يسرا .. لأنى بحبهم اوى و بيوحشونى جدا من السنه للسنه .

أنا اللي بتفرج علي عادل إمام و يسرا .. لأنى إتربيت علي وجودهم فى حياتى من خلال أعمالهم القديمه و الجديده !

أنا اللي بتفرج علي عادل إمام و يسرا لأنهم بالنسبه لوجدانى ماضي و حاضر جميل !

أنا اللي بتفرج علي عادل إمام و يسرا لأن إفيهاتهم و حركاتهم متضفره جوه حواراتى مع كل اللي حواليه !

أنا اللي بتفرج علي عادل إمام و يسرا لأنهم كنوز مصريه بجد .. و العالم كله عارف كده .. إحنا بس اللي فى مننا "قلالاة أصل" !

إنا بتفرج علي عادل إمام و يسرا و هفضل أتفرج عليهم بصرف النظر عن مواضيع أعمالهم ..

أنا وقعت معاهم من اكتر من ثلاثين سنه عقد حب مدى الحياه ! أنا اللي بأتفرج على عادل إمام و يسرا و ده مش معناه انى مش بحب كل نجومنا الآخرين .. بس حبك لناس معاشرهم سنوات عمرك كله و ما شوفتش منهم غير كل إخلاص و سعاده ، غير حبك لناس عايشين معاك بقالهم كام سنه و ده مش عيب !

 أنا اللى بتفرج علي عادل إمام و يسرا مع الشعب العربي كله اللى فاهم و عارف و مقيم قيمة مجرد طلتهم دقائق فى أى مكان أو نظرتهم ثوانى لأى كاميرا !

و أخيرا بقى و ده الاهم : أنا اللى بأتفرج علي عادل إمام و يسرا لأن ده الوسيله الوحيده اللي ممكن اشوفهم فيه ! أصل أنا مش زيكم واصله و إيدى طايله وبعرف اشوفهم كل يوم و اتكلم معاهم !!!!!

أُضيفت في: 22 مايو (أيار) 2018 الموافق 7 رمضان 1439
منذ: 5 شهور, 26 أيام, 8 ساعات, 46 دقائق, 35 ثانية
0
الرابط الدائم
كلمات مفتاحية الفن الناعمة الاثنين
موضوعات متعلقة

التعليقات

22494