نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

فتاة توثق تعرضها للتحرش فى سيارة ميكروباص بحلوان عبر حسابها بفيس بوك

فتاة توثق تعرضها للتحرش فى سيارة ميكروباص بحلوان عبر حسابها بفيس بوك
2017-09-12 00:49:42

 


 نشرت فتاة تدعى "شروق"، صورًا توثق بها تعرضها للتحرش داخل سيارة ميكروباص من أحد الشباب أثناء استقلالها لسيارة ميكروباص من منطقة حلوان إلى التبين.

وعلقت شروق على الصور عبر حسابها بموقع التواصل الاجتماعى "فيس بوك"، قائلة :"دى تقريبًا أول مرة اقتنع إن معندناش رجالة، ده لسة حاصل معايا حالًا، أول حاجة عملتها إنى صورت عشان لما يقول معملتش أعرف أرد عليه.. بس بمجرد ما زعقت وعليت صوتى لقيت الكل بيقول خلاص يا آنسة ومحدش فكر يتجدعن كدا".

وتابعت: "خلاص إيه حضرتك ده بيمد إيده أهيه.. معلش خلاص !.. يعنى رجالة كبار بشنبات بيقولولى أسكت لما واحد يمد إيده عليا، ده أنا أصحابى أرجل منهم، إحنا معندناش رجالة فخدى حقك منك ليها واخشنوا، ويبقى حد يجى يقولى أصل لبسك مستفز".

واختتمت كلامها قائلة: "كنت راكبة ميكروباص من حلوان للتبين، وأنا كنت راجعة من درس، وحتى لو مش درس هتقدروا إزاى تحبسوا البنات فى البيوت عشان إنتوا حيوانات مش قادرين تمسكوا نفسكم عن بنات الناس، لبسى مش ضيق وشى مش شايفه، شوفوا حجج تبرروا بيها غير دى".

أُضيفت في: 12 سبتمبر (أيلول) 2017 الموافق 19 ذو الحجة 1438
منذ: 1 شهر, 10 أيام, 18 ساعات, 44 دقائق, 37 ثانية
21559035_294817754343240_5646739998119066531_n.jpg
0
الرابط الدائم

التعليقات

12500