نائب رئيس مجلس الإدارة:محمد عزبرئيس التحريرجودة لطفي
رئيس مجلس الإدارةنادية أمين

حكاية ڤودافون لخدمة العملاء خارج البلاد

حكاية ڤودافون لخدمة العملاء خارج البلاد
2017-07-12 09:22:27

من علي أرض مصر كثير منا لا يعرف إن علي أرض مصر مكتب الدعم الفني الكول سينتر لڤودافون قطر الQatar Technical Support Call Center يعني ذلك أن المواطن القطري عندما يطلب مثلا ٨٨٨ خدمة العملاء . يرد عليه شاب مصري هنا و يقدم له الدعم المطلوب تليفونيا و الأدهي انهم يعملوا بجانب فريق آخر يخدم ڤودافون بريطانيا Vodafone UK. . يعني ذلك أن المواطن الإنجليزي أيضا عندما يطلب ٨٨٨ من عنده في لندن مثلا . يقوم بالرد عليه شاب مصري كذلك و في الأغلب الأعم يتم إهانة هؤلاء الشباب خصوصا عندما يفاجئ مواطنى الدولتين ان الذى يقوم بخدمتهم مواطن مصري . (ناهيك عن الشروط التعسفية التى تفرض علي الشباب الغلبان اللي بيشتغل في المكان ده بين مكتب في مدينة ٦ أكتوبر و القرية الذكية بأول طريق مصر إسكندرية الصحراوي ، و معروف ان اللي لا ينصاع للشروط أو بالأحري لذل سماعة التليفون الشركة بتمشيه و بتجيب غيره لأنها بتعتمد علي نسبة تسريح عمالة كبيرة من شباب اغلبهم صغير في السن ، يعني يمشوهم و يجيبوا غيرهم بوتيرة شبه مستمرة) و لو كنت وزيرا للإتصالات أو وزير للإستثمار كنت مباشرة عدلت لوائح عقود الإستثمار لهذه الشركات علي أرض مصر و ما يضمن كرامة شباب مصر و عدم التلاعب بوقتهم و حياتهم بٱستغلالهم و كأنهم مستعبدين وليسوا موظفين _____ * هناك نقاط هامة تخص أمننا القومي كمصر : النوع ده من المكاتب في مصر ( الخاصة بشركة ڤودافون البريطانية اللي بتخدم عملاء خارج مصر ) تارة تقفل أو تنقل دول تانية و ترجع تفتح مرة اخرى .. لأسباب لا نعلمها ! و غير مفهومة ! و لأسباب غير معلومة ايضا . . واريد ان أوضح إن كل إتصالات العملاء الإنجليز/ أو غير الإنجليز القادمة من بريطانيا بيتم نقلها عن طريق الأقمار الصناعية من داخل مكتب مدينة ٦ أكتوبر . و للدقة نقول هناك ( دش ) Satellite Dish قطره حوالي ٢٥ متر للتراسل الآمن و المشفر بين مصر و بريطانيا علي بعد أمتار من بوابة الشركة في مكتب و مبني ٦ أكتوبر المعروف لدي كل شباب مصر و في مكتب ڤودافون في القرية الذكية Vodafone UK نجد ربط بالألياف الضوئية ال fiber optics بين مكتب ڤودافون في ٦ أكتوبر و مكتب القرية الذكية طبعا بالنسبة لنقل الإتصالات بالأقمار الصناعية الآمنة المفروض ده بيتاح فقط إما لشركات البترول و ده بيكون لإتاحة تواصلها مع أماكن الحفر أو التنقيب اللي في الغالب بتكون معزولة عن أي شبكات إتصال سواء في عرض الصحاري أو داخل البحار. . أو بيتاح للسفارات لربطها ببلادها الأم من اراضي الدول الأجنبية نظرا لطبيعة عملهم اللي بتحتاج إتصالات مؤمنة بينهم و بين دولتهم طبعا من المفترض ان المرفق القومي لتنظيم الإتصالات الNTRA هو المنوط بتنظيم الإتصالات و مراقبة جودتها داخل مصر . لكنه ليس منوط بنفس الدور بين مصر و طبيعة الخدمة خارج حدود البلاد ( ببريطانيا – قطر ) و لا احد يسال عن صدفة إنشاء مكاتب خدمة العملاء للدولتين تحديدا جنبا الي جنب علي أرض مصر طبعا إننا لا نقول ان نطرد الإستثمار الأجنبي اللي مشغل شبابنا في مصر . أو لا سمح الله نشكك في نزاهة أو وطنية الموظفين هنا . . أكيد لأ . . الهدف الحقيقي تسليط الضوء علي مراجعة نسق و طبيعة عمل الشركات دي علي أرض مصر في ظل المتغيرات و التهديدات و المخاطر اللي بتمر بيها مصر و المنطقة العربية في الوقت اللي بات فيه عدونا واضح المعالم أكثر من الأول وايضا اطالب بمراجعة ظروف و ملابسات عقود الشركة و مثيلاتها ضمن إيطار قانون مناطق الإستثمار و قانون الإستثمار القادم لان أمن مصر القومي فوق الجميع

 

بقلم المهندس احمد الفضالى

أُضيفت في: 12 يوليو (تموز) 2017 الموافق 17 شوال 1438
منذ: 4 سنوات, 6 شهور, 4 أيام, 21 ساعات, 44 دقائق, 46 ثانية
0
الرابط الدائم
كلمات مفتاحية فودافون

التعليقات

9774